Pas rreshjeve të shiut të cilat vazhduan papushim Alpenews.al ka siguruar disa foto dhe video ekskluzive nga zonat më problematike në aksin Tepelenë-Gjirokastër.
Në Tepelenë si pasojë e daljes nga shtrati i lumit të Vjosës ura e Beçishtit është jashtë funksionit si dhe shtëpitë e ndërtuara pranë lumit të Vjosës janë përmbytur.
Ndërkohë ura e Leklit në Tepelenë pavarësisht prurjeve të shumta të lumit Drinos që vjen nga Gjirokastra aktualisht është e kalueshme nga banorët.
Rruga nacionale “Uji i ftohtë” –Tepelenë është hapur në njërin kah të qarkullimit, por ndërkohë një tjetër rrezik kërcënon drejtuesit e mjeteve. Është fjala për rrëshqitjet e dherave pasi njihet edhe si tokë e rrëshqishme.
Si pasojë e rreshjeve të mëdha AlpeNews.al mëson se prurja e lumit Drinos ka shembur një pjesë të murit mbrojtës të liqenit të Viroit dhe uji ka dalë në rrugë. Pas ndërhyrjeve, aktualisht rruga është e kalueshme nga mjetet.
-
- Muri i prishur
-
- Lëvizja e automjeteve
-
- Lëvizja e automjeteve
Ndërkohë nga qyteti i Gjirokastrës AlpeNews.al raportohet se një pjesë e konsiderueshme e murit rrethues të Universitetit Eqerem Çabej është rrënuar si pasojë e shirave. Gjithashtu mësohet se pjesa e rrugës së rreth-rrotullimit të Gjirokastrës e cila ishte bllokuar dje në darkë, është e kalueshme.
Përgatiti Kejsi Lama, AlpeNews.al
