Një ngjarje e rëndë ka ndodhur në Greqi, ku një 45-vjeçare ka vrarë të moshuarën për të cilën kujdesej.
Lajmin e bënë të ditur mediat greke, të cilat bënë me dije se vrasja e të moshuarës ndodhi teksa ajo ishte e shtrirë në shtrat, në banesën e saj në zonën e Kalythies të Rodosit.
Sipas informacioneve të para nga gazeta “Demokratiki”, ndihmësja shtëpiake F.F. e cila kujdesej për të moshuarën, e cila përballej me probleme psiqike dhe që nuk mbante dot veten, lajmëroi në mëngjes policinë duke thënë “Eja se e mbyta” .
Policia ka shkuar menjëherë në vendngjarje dhe ka gjetur gruan të shtrirë, të vdekur dhe 45-vjeçaren ende në vendngjarje, të cilin e ka arrestuar.
Gruaja fatkeqe F.K., rreth 75 vjeç, ka pasur edhe një fëmijë. Rasti po trajtohet nga Departamenti i Policisë Archangelos me asistencën e Nëndrejtorit të Sigurisë Rodos.