Një ngjarje tragjike ka ndodhur në Gjilan të Kosovës, ku efektivja e policisë Valdete Bllaca ka qëlluar për vdekje katër anëtarë të familjes, e në fund ka bërë vetëvrasje.
Në fillim efektivja ka vrarë dy prindërit babai Zeqir Bllaca dhe nëna Hanife Bllaca më pas ka qëlluar dy vëllezërit me armë Fisnik e Blerim Bllaca e më pas ka vrarë veten. Nuk dihen shkaqet që kanë çuar deri në vrasjen tragjike të familjes Bllaca nga vajza e tyre Valdete Bllaca.
Zyrtarë të policisë së Gjilanit thonë se Valdete Bllaca nuk ka qenë e pezulluar nga puna.
Ky nuk është rasti i vetë që efektivet e policisë kanë vetëvrarë veten me armën e shërbimit.
AlpeNews.al ju risjell ngjarje të rënda që kane përfunduar me tragjedi.
Vetëvritet efektivja e policisë në Sarandë
Një ngjarje tjetër e rëndë ka ndodhur edhe në Sarandë ku efektivja e policisë Jeroldina Iljazi ka vrarë veten me armë në kokë. Iljazi ka qëlluar veten në kokë, pikërisht në momentin kur në banesë ka hyrë një efektiv policie, koleg i saj, që e kërkonte për të nisur turnin e mbrëmjes.
Portën e shtëpisë mësohet ta këtë hapur gjyshja e sapo ajo ka mirëseardhur efektivin e policisë, nga dhoma e 25-vjecares, është dëgjuar një e shtënë. E reja vuante së tepërmi gjendjen e rënduar financiare të familjes, por mbi të gjitha depresionin e së ëmës, e cila siguronte jetesën prej vitesh duke dalë me një peshore poshtë banesës për të siguruar disa qindarka.
Efektivja e policisë vret vetem me armën e shërbimit
Një tjeter ngjarjee rëndë ka ndodhur edhe në Sukth të Durrësit.
Një efektive policie e re në moshë është gjetur në banesën e saj në Sukth e vetëvrarë me armën e shërbimit. 23-vjeçarja Peranxhela Shahini u gjet e vrarë në banesën e saj. Kolegët e saj dhe familjarët pohuan se 23-vjeçarja nuk kishte shfaqur asnjë shqetësim dhe se nuk kishte asnjë problem. Nga ana tjetër ata u shprehën se Peranxhela ishte një tip i mbyllur, por shumë korrekte në punë.
ALPEnews.al
