Një efektiv i Policisë Kufitare ka mbetur i plagosur rëndë ditën e djeshme, pasi ka qëlluar veten me pistoletën e shërbimit.
Bëhet fjalë për shtetasin Sotiraq Alikaj, 58 vjeç, i cili dyshohet se ka plagosur veten në gjendje të pavetëdijshme, pasi ndodhej në gjendje të dehur.
Alikaj u dërgua në Spitalin Rajonal të Gjirokastrës, në gjendje mjaft të rëndë, ndërkohë që plaga që ka marrë nga shkrehja e armës së shërbimit, dyshohet se i ka prekur një pjesë të kafkës.
Grupi hetimor i ngritur mbi zbardhjen e rrethanave të kësaj ngjarjeje, bën të ditur për gazetën se efektivi i Drejtorisë Rajonale të Policisë Kufitare dhe Migracionit ka tentuar vetëvrasjen në një moment dobësie, pasi ndodhej në gjendje të dehur.
58-vjeçari e ka shkrehur armën e zjarrit sipër veshit të majtë dhe plumbi i dalë nga qyta e pistoletës, ka prekur kafkën dhe ka dalë sipër në kokë. Mjekët do të përcaktojnë shkallën e dëmtimit në kafkë me anë të skanerit, ndërsa gjendja e punonjësit të policisë paraqitet kritike. Polici 58-vjeçar ndodhet në gjendje kome në spital dhe po mbahet në reanimacion.
Ndërkohë sot për ngjarjen ka reaguar edhe ish kryeministri Sali Berisha i cili ne nje status ne rrjetet sociale shkruan:
Ne Gjirokaster nje polic vret veten!
Narkopolicia fsheh aktin!
Lexoni mesazhin e qytetarit dixhital. sb
“Mbr doktor, nje polic ne gjirokaster ka vrare veten me arme, sapo e sollen”
