Policia e Shtetit ka reaguar në lidhje me një foto që ka qarkulluar sot në internet, ku shihej një polic me armë në brez.
Edhe opozita hodhi akuza, ku thoshte se armatosja ishte e qëllimshme.
Njoftimi i plotë
Sqarim
Nisur nga një foto që qarkullon në rrjetet sociale, ku është fotografuar këllëfi i pistoletës së punonjësit të policisë të FNSH, sot gjatë tubmit të opozitës, duke pretenduar se punonjësi i policisë ka pistoletën në kllëf dhe ka shkuar me armë në tubim ju sqarojmë se:
Bazuar në Ligjin e Policisë së Shtetit, atë për tubimet, Procedurave standarte te punes per tubimet, si dhe në Planin e masave të hartuar për këtë tubim, asnjë punonjës policie që ishte i planizuar në kordonin për pengimin e protestuesëve për të mos depërtuar në brendësi të institucineve nuk ka shkuar me armë brezi në tubim apo me armë të gjatë.
Çdo punonjës policie i planizuar me shërbim ka qenë i paisur me rripin multifunksional ku pjesë e rrypit është edhe këllëfi i armës së brezit, çka në fotot që qarkullon në rrjetet sociale duket qartë që kllëfi i pistoletës është bosh.
Çdo interpretim tjetër, si dhe çdo akuzë nga ana e opozitës se Policia e Shtetit ka shkelur ligjin është thjesht dashakeqësi dhe përpjekje për të manipuluar të vërtetën.
Policia e Shtetit edhe njëherë falënderon median, qytetarët e gjithë fotoreporterët që sot ishin dëshmitarë të veprimeve konform ligjit të Policisë së Shtetit.
