Pas vdekjes së nëntetares shqiptare, 32-vjeçare Zarife Hasanajt ka reaguar edhe Komandati i Forcave të Armatosura në Letoni, Kalinis.
Në një dalje për mediat, Kalinis informoi mbi atë ç’ka u regjistrua mëngjesin e sotëm në bazën Adazi.
Ai theksoi se ende është e paqartë se si ka ndodhur shpërthimi i minës, që i mori jetën 32 vjecares shqiptare, ndërsa njoftoi se policia vendase dhe forcat e armatosura kanë nisur hetimet mbi shpërthimin.
Sakaq mësohet se ndërsa hetimi është në proces, është ndërprerë trajnimi në bazën ushtarake në Adazi, derisa të përcaktohen shkaqet e asaj ç’ka ndodhi.
Kalinis: Kam urdhëruar një inspektim të plotë në bazë për të gjetur mina ende të pashkelura, deri atëherë nuk do të ketë trajnim.
I pyetur nëse viktimat dhe familja e të ndjerës do të kompensohen, Kalnins theksoi se kompensimi do të paguhej në përputhje me ligjin shqiptar, por Letonia shprehu gatishmërinë për të transportuar trupin në atdhe.
