Shefi i Repartit të Zjarrfikëseve, Ilir Llapushi, ka folur për emisioni “Real Story” në “News24” nga qyteti i Durrësit, aty ku forcat e kërkim-shpëtimit vijojnë intensivisht punën për nxjerrjen e trupave nga rrënojat e banesave të shkatërruara nga tërmeti apokaliptik. Ai theksoi se puna vijon prej më shumë se 30 orësh tek rrënojat e hotel “Miamare”, me shpresën për të gjetur jetë njerëzish nën rrënojat e banesave të shkatërruara.
“Ne kemi mbi 30 orë që jemi në kërkim të këtij trupi. Jemi duke kontrolluar hap pas hapi. Edhe qentë janë konfuzë! Është një ngjarje shumë e madhe megjithëse ne kemi orë qe po punojmë që të shpresojmë të gjejmë të mbijetuar”-tha mes tjerash ai.
