Marie-Lou Wirth është 100 vjeç dhe punon si banakiere në Franc. ndryshe nga të rinjtë ajo nuk ankohet se duhet të punojë edhe pse në këtë moshë kaq të madhe.
“Kam një jetë që zgjohem që pa zbardhur drita”, shprehet Marie-Lou Wirth për BBC.
100 vjeçarja Marie-Lou Wirth filloi të punonte si banakiere në lokalin që hapën prindërit e saj në vitin 1932. Ajo është ende aty dhe sapo ka mbushur një shekull jetë.
“Prindërit e mi e hapën këtë lokal në vitin 1932. Ishte dita e punëtorëve, 1 maj. E fillova punën që në moshën 14 vjeç. Sepse për mua, kur je e re duhet të punosh. Në ditët e sotme, të rinjtë duhet ti tërheqësh me zor që ti fusësh në punë”, tregon Maria.
Gjatë kohës së luftës, Marie-Lou i ka shërbyer ushtarëve gjermanë. Ajo thotë se gjermanët ishin shumë të sjellshëm si njerëz. Maria tregon se në zonën ku jeton ka pasur shumë restorante dhe fabrika, se dikur kërcenin të rinjtë dhe argëtoheshin, ndërsa ditët e sotme, nuk ka gjëra të tilla, nuk ka punëtorë, nuk ka asgjë…
Media britanike BBC e ka pyetur dhe për sekretin e jetëgjatësisë së saj.
“Kurrë nuk kam ngrënë fruta, nuk kam pirë qumësht ose të ha kos. Pi gjithmonë ujë kur ha bukë dhe pas buke një pije”, është shprehur Marie-Lou Wirth.Përgatiti AlpeNews.al
