Qeveria e Katalonjas ka urdhëruar mbylljen e diskove dhe klubeve të natës si masë parandaluese në përhapjen e koronavirusit. Masa e re hyri në fuqi sot dhe do të zgjasë të paktën 15 ditë, raporton El Pais.
Ndërkohë oraret e kazinove dhe të lojërave të fatit do të qëndrojnë të hapura deri në orën 12 të natës. Po në atë orë do të mbyllen dhe lokalet dhe restorantet siç ishte vendosur në parë edhe në Barcelonë. Kjo mbyllje erdhi pasi në 24 orë Katalonja regjistroi 280 raste të reja me COVID-19, tre herë më shumë se dy javë më parë.
“Logjika është të kufizojmë lëvizshmërinë dhe ne kemi këmbëngulur tashmë që në disa zona është më e vështirë të mirëmbahen masa paraprake.
Situata në Katalonja është e ndërlikuar dhe kemi pak mundësi dhe pak kohë për të vepruar”, shpjegoi Sekretari i Shëndetësisë, Josep Maria Argimon.
Një muaj pas heqjes së masave strikte kufizuese, Spanja ka regjsitruar një rritje të numrit të kontaminimeve me COVID-19, që ka shkaktuar tashmë 28 432 të vdekur dhe ka infektuar më shumë se 272 000 persona.
