Reshjet e dendura të shiu janë bërë shkas për vërshime të befasishme uji, që kanë paralizuar trafikun në një pjesë të rrugëve të Pejës.
Mediat vendase shkruajnë se disa lokale buzë rrugës atje rrezikohen të përmbyten, ndërsa uji ka depërtuar edhe në brendësi të shkollës ekonomike “Ali Hadri”.
Instituti Hidrometeorologjik i Kosovës, njoftoi se pas shirave të rrëmbyer të ditëve të fundit, sidomos në pjesën perëndimore, veriperëndimore dhe veriore të Kosovës, disa lumenj kanë dalë nga shtrati.
Vuçiç: Nuk do ta njohim Kosovën, nuk do të ndodhë kurrë
Sipas parashikimeve, situata e vështirësuar hidrometeorologjike pritet që të vazhdojë dhe gjatë ditëve në vijim. Instituti paralajmëron se në ditët në vijm mund të vijojnë përmbytjen në disa pjesë të Kosovës, e po kështu nuk përjashtohet mundësia që të ketë edhe rrëshqitje të dheut, mbyllje të kanalizimeve dhe vështirësi në qarkullim.
Në qytete si Istogu, Peja, Vushtrria dhe Juniku, janë ende të freskëtat kujtimet e vërshimeve masive të ujit një vit më parë, ku pati dëme të mëdha nëpër shtëpi, biznese, kultura bujqësore dhe rrugë.
