Pasi u rizgjodh kryetare e LSI, Monika Kryemadhi, teksa e ka quajtur pjesmarrjen në zgjedhje një sfidë të fituar, ajo sot ka mbajtur një konferencë me anë të së cilës ka falenderuar të gjithë anëtarët e partisë që e kanë votuar.
“Pjesëmarrja në zgjedhje sfidë e fiutuar. Ndjej detyrim dhe mirënjohje për të gjithë ju ndaj me dorë në zemër do të them falenderit LSI. Jemi të vetëdijshëm për vështirëisë por ne jemi mësuar me këto. Jemi bashkë për të fituar të gjitha sfidat që i kanë dalë përpara LSI. Për të rikthyer atë shpresë që është vrarë nga një qeveri pseudorilindase.
Ne dimë ta kthejmë këtë shpresë. Do dimë të garantojmë për fëmijët e shqiptarëve që të kenë një arsim të mirë dhe cilësor, nedo të bëjmë të mundur që çdo shqiptar të ndihet i lumtur si në shtëpinë e tij. Ne nuk themi vetëm që LSI ka nevojë për mundësi por ne u krijojmë mundësi të rinjve tanë, që të gjejnë një vend pune ku të pagihen si të gjithë bashkëmoshatarët e tyre europianë. Sot jam shumë krenare për të gjithë ju sepse më bëtë një grua që është drejtuese një partie politike.
Gratë dinë të drejtojnë. Gratë dinë të udhëheqin në familje, të edukojnë, të jenë dhe drejtuese të zonja. Gratë i njohin betejat me të cilat përballet çdo lider politik. Ato dinë të jenë drejtuese për tu përballur me sfida dhe të zgjidhin probleme. Ndaj është e nevojshme të kemi sa më shumë gra dhe vajza në politikë.
Unë e mora drejtimin e LSI në një kohë mjaft të vështirë për të, por falë angazhimit tuaj ne ia dolëm, së pari duke fituar sfidën me veten tone. Sot solemnisht shpall se do ta bëj këtë parti një parti të mirëpritur për të gjithë. Do kemi një parti me dyer të hapura për këdo jo vetëm për të rinjtë por për këdo. Sot më shumë se kurrë shqipëria ka neojë për të rinjtë dhe të rejat”, tha ajo.