Arineta Mula është padyshim një nga alpinistet më të njohura në Kosovë e jo vetëm. E tashmë që jemi në muajin e Ramazanit, ajo përsëri nuk e ka ndalur vrapin për asnjë ditë edhe pse është në agjërim.
Madje duket se agjërimi ka qenë një motivim dhe një shtysë akoma më e fortë për të vrapuar me miqtë e saj, për të eksploruar natyrën dhe për t’u mbushur me energji pozitive.
E dimë që për alpinistët uji është shumë i rëndësishëm, teksa bëjnë aktivitet fizik por mungesa e tij nuk e ka penguar aspak Arinetën
Në botë ka edhe sportistë të tjerë, të cilët nuk i ndalin aktivitetet e tyre gjatë kohës që agjërojnë, madje janë edhe më të fortë në aspektin fizik dhe mendor po ashtu.
Në një lidhje “Skype” për “Wake Up”, Arineta ndau eksperiencën e saj, teksa na ndajnë edhe pak ditë nga përfundimi i muajit të Ramazanit.
“Jemi në muajin e shenjtë të Ramazanit, është dita e 22, ndihem shumë mirë, e kthjellët. Nuk ndiej nevojën as për ushqimin e as për ujë. Them ka të bëjë me përkushtim, kur ja vë vetes si qëllim, ia arrin.
Përkushtimi jonë është prej 7 vitesh, kjo na bashkon. Mendoj po të kishim qenë vetëm, nuk do dilnim çdo ditë. Por, fakti që jemi bashkë na motivon. Gërmia vendi që vizitojmë çdo mëngjes.
Nuk është e vështirë t’i vësh si qëllim vetes të bësh çdo ditë një aktivitet. Tani në pandemi njerëzit po mendojnë të dalim më shumë në natyrë”, rrëfeu ajo.
