Chelsea mundi Manchester United në përballjen e javës së 11-të të Premier League në “Stamford Bridge”. Goli i Moratës mjaftoi për “Blutë”, të cilët e meritonin trepikëshin, megjithëse United pati disa raste në fund të ndeshjes.
Por pas fërshëllimës së fundit, e gjithë vëmendja ishte tek Antonio Conte dhe Jose Mourinho. Teksa trajneri i United po priste te hyrja e tunelit për Conten, ai ishte duke festuar me lojtarët e tij në fushë dhe deklarata e tij pas ndeshjes tregon se ai ka refuzuar të përshëndesë homologun e tij me qëllim.
Nuk është e rëndësishme. E rëndësishme është të fitojmë ndeshjen. Duhet të kesh respekt brenda fushës, jo jashtë saj”, ishin fjalët e italianit pas sfidës.
Morata tregoi personalitet të madh. Jam i zhgënjyer pasi mund të kishte shënuar më tepër, por luajti një ndeshje të madhe për vetëbesimin e tij dhe vetëbesimin e skuadrës. Është një fitore e rëndësishme. Treguam dëshirë dhe pasion”, theksoi Conte, i cili nuk u përshëndet me Mourinhon pas takimit.