Ndërron jetë 80-vjecari Namik Rustemi, i cili disa ditë me parë është dhunuar fizikisht së bashku me bashkëshorten e tij në fshatin Povelçë të Fierit. Policia ka arrestuar si autor të ngjarjes shtetasin Ilir Nukaj.
Si pasojë e dhunës brutale, 80-vjeçari ndodhej në gjendje të rëndë shëndetësore në spitalin e Fierit, por nuk ka mundur t’i mbijetojë dëmtimeve dhe ka ndërruar jetë sot në Spitalin Rajonal të Fierit.
Sipas familjarëve, autori është paraqitur në dyqanin e të moshuarve për të blerë alkool, ndërsa 80-vjeçari nuk ka pranuar t’ia shesë, pasi njihej si person problematik.
