Një turiste 70-vjeçare ka ndërruar jetë nga arresti kardiak ditën e sotme në parkun e Butrintit.
Yvone Boer 70 vjeç nga Holanda ishte me një grup turistësh holandeze paraditen e sotme për vizitë në Butrintin Antik. Kur kanë shkuar lart në Kala, atje ajo nuk është ndjerë mirë dhe ka humbur ndjenjat.
Menjëherë është njoftuar ambulanca ku fillimisht për shpejtësi është dërguar në ambulancën e Ksamilit në urgjencën në Sarandë.
Sipas bluzave të bardha 70-vjeçarja e huaj dyshohet të ketë bërë arrest kardiak, dhe për pasojë ka humbur jetën. Trupi i pajetë do të transportohet për në Tiranë në mjekësinë ligjore.
