Një zjarr i madh ka përfshirë pasditen e sotme katedralen e ‘Notre Dame’ në Paris. Në fillim shtëllunga tymi dilnin nga kulmet e katedrales ndërsa brenda pak minutash zjarri filloi të përhapej në të gjithë katedralen e ‘Notre Dame’.
Sipas mediave dyshohet se zjarri ka qënë aksidental dhe ka rënë në pjesën e papafingos së ‘Notre Dame’, pjesë e cila po restaurohej. Brenda pak minutash kanë mbërritur zjarrfikësit të cilët po luftojnë me flakët për ti neutralizuar.
Katedralja e ‘Notre Dame’ për Parisin por jo vetëm është më shumë sesa një katedrale pasi ajo prej vitesh është bërë simboli i Parisit. ‘Notre Dame’ është atraksioni më i populluar në kryeqytetin e Francë ku brenda një viti vizitohet nga rreth 13 milion turistë.