Ditën e sotme është bërë varrimi i regjisorit të madh Dhimitër Orgocka, i cili u nda nga jeta 2 ditë më parë për shkak të një hemorragjie cerebrale.
Dhimitër Orgocka ishte nderuar edhe me titullin “Mjeshtër i Madh”, ndërkohë që numëron 82 role të interpretuara në skenat e teatrove shqiptare, ku ka marrë edhe çmime, si dhe ka vënë në skenë 104 premiera në teatër si regjisor.
Para se të ndahej nga jeta, regjisori kishte lënë amanet të varrosej me një kaba me të qarë, bën me dije ish-deputeti Namik Dokle.
Miqtë ia plotësuan dëshirën, pasi regjisori i madh u përcoll për në banesën e fundit ashtu siç ai dëshironte, me një kaba me të qarë.
