Gazetari Enrik Mehmeti, i cili humbi jetën tragjikisht në moshën 40-vjeçare pas një aksidenti me motor në zonën e Porto-Novës, në Vlorë, do të përcillet sot për në banesën e fundit.
Homazhet në nderim të tij do të zhvillohen nga ora 12:00 deri në 14:00 në ambientet e teatrit “Petro Marko” në Vlorë. Më pas, në orën 14:00, familjarë, miq, kolegë dhe të afërm do t’i japin lamtumirën e fundit.
Enrik Mehmeti ndërtoi një karrierë mbi dy dekada në median e shkruar dhe atë televizive, duke u dalluar për përkushtimin ndaj gazetarisë dhe pasionin për kronikën e lajmeve të fundit.
Largimi i tij i parakohshëm ka tronditur komunitetin e gazetarëve dhe ka lënë pas dhimbje te familjarët, miqtë dhe kolegët që e njohën dhe punuan me të.
