Një tjetër pjesëtar i shërbimit shëndetësor ka humbur sot betejën me Covid-19.
Bëhet fjalë për Dr. Sylejman Dulla, anesteziolog, i cili ka vdekur si pasojë e komplikacioneve prej virusit.
Lajmin e ka bërë të ditur, deputeti i LDK-së, Haxhi Avdyli, teksa Dulla është anesteziologu i dytë brenda javës që vdiq duke u ballafaquar me COVID-in.
Postimi i Avdylit:
Lajm i trishtuar për ne .Humbje e madhe për familjen, miqtë e shëndetësinë , ikja në amshim e kolegut tonë , njeriut të mirë Dr Sylejman Dullës, Anesteziolog në QKUK. Brenda javës Kosova humbi 2 anesteziolog eminent Dr Afrim Tashollin e tash Dr Sylejman Dulla , të cilët ishin në vijë të parë të ballafaqimit me Covid19 , e që fatkeqësisht e humben betejen duke sakrifikuar edhe veten në luftë me këtë armik të padukshëm.
