Kreu i Agjencisë Shtetërore të Kadastrës, Artan Lame ka dhënë lajmin e trishtë të ndarjes nga jeta të babait të tij.
Përmes një postimi në rrjetet sociale, ai shkruan se nuk mundi që t’i gjendej pranë babait në momentet e fundit.
Një ditë më parë u publikua lajmi se Artan Lame ishte infektuar me koronavirus dhe ka qenë kjo arsyeja që e ka ndaluar t’i qëndronte pranë babait të tij në momentet e fundit të jetës.
“Me trishtim ju bëj me dije se babai, Adili, nuk e fitoi dot betejën me sëmundjen. Të gjithë menduam se do t’ja dilte, por nuk kish qenë e thënë. Iku i qetë, duke na lënë të gjithëve midis trishtimit që nuk ju gjendëm dot pranë në momentet e fundit.
Ftoj të gjithë ata që e patën njohur në jetë, ta kujtojnë gjithmonë me humorin e përhershëm dhe dashurinë për jetën”, shkruan Lame.