29-vjeçarja Floriana Skëndaj është shqiptarja, nënë e dy fëmijëve, e cila gjeti vdekjen në një prej spitaleve të Italisë, pas tre operacioneve të njëpasnjëshme.
Policia ka nisur hetimet për të zbulua shkaqet që çuan në vdekjen e të resë, ndërsa mjekët nuk dinë të japin një përgjigje konkrete për këtë që ka ndodhur.
I dëshpëruar dhe me dhimbje të thellë, bashkëshorti i Florianës, Adriano Ricchitelli, përmes një postimi në rrjetin social ka dhënë një mesazh të vyer.
Ai thotë se duhet të vlerësojmë çdo moment në jetë dhe të mos i lëmë asnjëherë gjërat për “pastaj”, pasi “pastaj” mund të jetë shumë vonë.
Postimi i plotë i Adriano Ricchitelli:
Bëje tani sepse në të shumtën e rasteve, pastaj kthehet në asnjëherë”
Koha nuk ndalet, jeta është një detyrë që duhet bërë dhe që e marrim me vete në shtëpi. Kur dikush shikon dhe ka vajtur ora 6 e pasdites. Kur dikush shikon dhe ka përfunduar tashmë muaji. Kur një shikon dhe kanë kaluar 50 apo 60 vite.
Kur dikush shikon që dashuria e jetës së tij të ikë dhe të kuptojë që është vonë për t`u kthyer pas. Mos u ndal të bësh diçka që të pëlqen për arsye se nuk ke kohë, mos u ndal që të kesh dikë pranë teje apo për të shijuar vetminë. Sepse e vetmja gjë që do të na mungojë është hapësira që mund të shijohet me miqtë e përhershëm, ajo kohë që për fat të keq nuk kthehet më.
Mundohu të eliminosh ´pastaj´..pastaj të marr në telefon..pastaj do ta bëj..pastaj unë do të ndryshoj.
Lëmë gjithçka për pastaj sikur ajo ´pastaj´të jetë zgjidhja më e mirë, pa kuptuar se: pastaj kafeja ftohet, pastaj prioriteti ndryshon, pastaj premtimet harrohen. Mos lër asgjë për pastaj sepse në pritje të asaj që do të vijë, mund të humbasësh momentet më të mira.
Kujtohu se ´pastaj´mund të jetë shumë vonë, dita është sot, nuk jemi në moshën që na lejohet të shtyjmë për më vonë gjërat”.
