Një shqiptar banues në krahinën e Comos në Itali është arrestuar nga policia vendase nën akuzën e trafikut të drogës.Një shqiptar banues në krahinën e Comos në Itali është arrestuar nga policia vendase nën akuzën e trafikut të drogës.
Shqiptari u arrestua pasi u gjet në posedimin e 6 kg kokainë e fshehur në një fund të dyfishtë në pjesën e kabinës së një Golfi i ndaluar për kontroll nga policia në dalje të Vipiteno, pranë kufirit të Brennerit, shkruan “Ansa”.
Shqiptarin e tradhtoi menjëherë gjendja e tij e agjitimit (shqetësimi), por edhe fakti se makina kishte një sërë taksash të pashlyera.
Ndërsa kontrolli u thellua, punonjësit e policisë vunë re se disa pjesë të tapiceriës së brendshme të makinës nuk ishin vendosur siç duhet.
Kontrollet vazhduan për disa orë, derisa fundi i dyfishtë që mund të aktivizohej me një mekanizëm të posaçëm u zbulua.
Brenda ishte droga që ka një vlerë tregu prej rreth 800 mijë eurosh.
Prandaj, shqiptari u arrestua për trafik ndërkombëtar të drogës dhe u dërgua në burg në Bolzano. Gjithashtu, atij ju gjetën edhe 2600 euro. Mjeti i përdorur për transportin e kokainës u sekuestrua së bashku me telefonin celular.
