Tronditet Kavaja. Pas një sherri një person ka humbur jetën dhe është plagosur një efektiv policie.
AlpeNews.al mëson se ai është Bledar Toçi i cili është dërguar me urgjencë në Spitalin e Traumës pasi është në gjendje të rëndë.
Ky është polici i cili ka mbetur i plagosur në Kavajë:
Njoftimi i policisë:
“Rreth orës 00.40, në Lagjen nr. 2 Kavajë, shtetasi D. H., banues në Kavajë, ka hyrë në banesën e shtetases M. Q. Në banesë ndodhej dhe shtetasi B. T, banues në Kavajë, punonjës i Policisë së Burgjeve.
Shtetasi D.H. është konfliktuar me shtetasin B. T. dhe si pasojë shtetasi D.H ka qëlluar me armë në drejtim të shtetasit B.T duke e plagosur atë. Shtetasi B.T me armën e shërbimit ka qëlluar në drejtim të shtetasit D.H i cili ka ndërruar jetë në vendngjarje. Shtetasi B.T., ndodhet jashtë rrezikut për jetën.
Grupi hetimor po vijon punën për sqarimin e mëtejshëm të rrethanave të ngjarjes”, njofton policia.
/AlpeNews.al
