Shënohet një tjetër viktimë në Vlorë nga krimi brenda familjes. Burri ka masakruar gruan pas një konflikti në familje. Ngjarja ka ndodhur në fshatin Babicë mesditën e sotme. Viktima është Laureta Sulo 44-vjeçe, ndërsa autori është Lavdosh Sulo 56-vjeç. Ngjarja ka ndodhur brenda banesës, ku çifti kishte edhe një servis dhe ku punonin të dy.
Shqiptarja.com siguron fotot e viktimës dhe të autorit sot në Vlorë. Lavdosh Sulo 56-vjeç masakroi gruan Laureta Sulo 44-vjeç me sëpatë dhe thikë duke e vrarë. Shkak i konfliktit mësohet se ka qenë xhelozia në çift prej kohësh, ndërsa në 2012 autori kishte qenë proceduar për dhunë në familje.
