Mesfushori gjerman, Mesut Ozil do të largohet nga Arsenal gjatë afatit kalimtar të janarit
Drejtuesit e Arsenalit janë gati të shesin mesfushorin Mesut Ozil gjatë janarit, pasi kontrata e tij skadon verën e ardhshme dhe lojtari nuk dëshiron ta vazhdojë atë.
Skuadra më e interesuar për shërbime tij është Barcelona, e cila është gati të paguajë 20 milionë euro të kërkuara nga Arsenal.
Por, atyre u ka dal një problem tjetër, jo me Arsenalin, por me Ozil.
Sipas të përditshmes spanjolle, AS, Ozil ka kërkuar nga Barcelona një pagë prej 19 milionë eurove, duke u bërë lojtari më i paguar pas Leo Messit.
Mbetet të shihet nëse Barcelona do të plotësojë kërkesën e gjermanit apo do të kërkojë ndonë alternativë tjetër.
Ozil në të kaluarën kishte luajtur në La Liga, kur ishte pjesë e Real Madridit nga viti 2010-2013.
