Dita e sotme duket se ka qënë mjaft tragjike për udhëtuesve shqiptarë, pasi vetëm pasdite në vend janë regjistruar 4 aksidente rrugore dhe janë plagosur 6 persona në rrugët nacionale.
Në aksin rrugor Qafë Thanë – Librazhd një automjet ku po udhëtonte një familje doli nga rruga, si pasojë u plagos drejtuesi i mjetit, bashkëshortja dhe djali i tyre. Të dëmtuarit u transportua për ndihmë mjekësore në spitalin e Prrenjasit dhe ndodhen jashtë rrezikut për jetën.
Pak orë më vonë një tjetër aksidenti ka ndodhur në aksin rrugor Fushë Krujë – Milot, ku si pasojë tre persona mbetën të plagosur. Sipas policisë në aksident u përfshinë dy automjete, një me targa italiane dhe një me targa shqiptare. Policia po punon për zbardhjen e rrethanave të aksidentit.
Ndërkohë tek ura e Milotit, një kamion dhe një veturë u përplasën me njëra-tjetrën. Fatmirësisht nga aksidenti nuk pati persona të lënduar. Sipas informacioneve të policisë mësohet se autoveturës i është shpuar goma, ndërsa kamionit i është çarë depozita e karburantit. Policia ka marrë në pyetje drejtuesit e mjeteve për të zbardhur rrethanat e aksidentit.
Ndërsa në Sheq të Fierit dy makina “Benz” u përplasën, ku njëra prej tyre doli nga rruga duke përfunduar mbi trotuar. Fatmirësisht edhe nga ky aksident nuk ka persona të lënduar, por vetëm dëme materiale.
