Legjenda e basketbollit, Kobi Brajan humbi jetën mwngjesin e 26 janarit së bashku me vajzën e tij 13-vjeçare, pas një aksidenti me helikopter. Mediat e huaja bëjnë të ditur se gruaja e Kobit, Vanesa po lufton për të qëndruar e fortë, por lotët nuk i pushojnë.
“Hollywoodlife” shkruan se Vanesa është shkatërruar kur ka mësuar lajmin e hidhur, duke humbur totalisht kontrollin. Ajo është mbajtur nën vëzhgim nga mjekët, pasi përjetoi një shok të vërtetë. “Zemra e saj u nda në miliona copa”, shkruhet në artikullin e publikuar nga “Hollywoodlife”.
“Vanesa është e shkatërruar. Mezi e mban veten. Por po lufton fort që ta mbajë veten për vajzat. Ajo duhet të jetë shumë e fortë në këto momente. Vanesa është e rrethuar nga njerëzit e dashur. Është moment i vështirë për te dhe të gjithë familjen“, tha nje i afërm.
Kobi dhe Vanesa u martuan në vitin 2001 ku ai ishte 21 vjeç, dhe ajo ishte 17. Kobe i propozoi asaj gjashtë muaj pasi u takuan, madje pa i kërkuar që të nënshkruajë një marrëveshje paramartesore.