Një mjeke e rëndësishme në Manhattan vrau veten edhe pse u shërua nga koronavirusi, pasi ky i fundit i kishte prekur dhe dëmtuar trurin.
Doktoreshë Lorna M. Breen, 49 vjeçe, drejtuese mjekësore e departamentit të urgjencës në Spitalin All York-Presbyterian Allen, vdiq të Dielën në Charlottesville, Virxhinia.
Deri në ditët që çuan në vdekjen e saj, mjekja raportoi për anëtarët e familjes një seri skenash traumatike në spitalin e Manhattan, duke përfshirë pacientë që vdesin para syve të saj.
Motra e saj Jennifer Feist tha për NBC News se ajo beson se truri i motrës së saj ishte ‘ndryshuar’ nga virusi, si dhe ishte përhumbur nga pamjet shkatërruese që ajo dëshmoi më herët.
Zonja Feist i tha NBC-së: ‘Ajo kishte COVID. Dhe besoj se e ndryshoi trurin e saj. Pastaj ajo u kthye në kushte të tmerrshme, të paimagjinueshme.
Dr. Breen kohët e fundit ishte e prekur me COVID-19, por ishte kthyer në punë në Allen pas një javë e gjysmë pushimi. Pasi spitali e dërgoi në shtëpi, ajo u vendos përsëri në Charlottesville për t’u rikuperuar nën udhëzimet e babait të saj, Dr. Philip C. Breen, por nuk ia doli.