Një ngjarje e rëndë ka ndodhur në një familje shqiptare në ishullin e Kretës në Greqi, ku babai dhe dy djemtë janë përleshur me thika.
Babai 55 vjeç së bashku me djalin 24 vjeçar janë grindur fillimisht me djalin tjetër 26 vjeçar, ndërkohë që më pas u përdorën edhe armë të ftohta.
Nga përleshja mbeti i plagosur djali i madh, i cili u dërgua me urgjencë në spital dhe ndodhet nën kujdesin e mjekëve jashtë rrezikut për jetën.
Babai dhe djali tjetër përfunduan në polici, ku autoritetet po punojnë për zbardhjen e rrethanave të ngjarjes.
