Një ngjarje e rëndë ka ndodhur sot në Pogradec, ku dy punonjës të Task Forcës janë kërcënuar nga një person i armatosur.
Ngjarja ka ndodhur në fshatin Buzaishtë, ku punonjësit kanë shkuar për verifikimin e personave me ndihmë ekonomike. Por ata janë përballur me një situatë aspak të zakontë kur një shtetas i identifikuar si Spartak Çela ju ka dalë përpara dhe i ka kërcënuar dhe sipas punonjësve ky shtetas ka qenë i armatosur.
Çela si fillim ka debatuar me shoferin e Task Forcës dhe më pas kanë ndërhyrë edhe persona të tjerë por fill pas konfliktit Çela ju ka kërkuar falje, duke u shprehur se i ka keqkuptuar dhe i mendonte persona të tjerë. Pas kësaj, ai është larguar në drejtim të paditur.
Burime nga policia bëjnë të ditur se Çela është një person i shpallur në kërkim për vrasje mbetur në tentativë prej dy vitesh. Ai ka plagosur shokun e tij në një lokal dy vite më parë dhe që prej atij momenti është shpallur në kërkim.
Policia ndërkohë është vënë në ndjekje të tij pasi ai është arratisur për herë të dytë. Deri në këto momente Çela nuk është vënë në prangat e policisë.
