Një ngjarje e rëndë është regjistruar mëngjesin e sotëm në Itali, ku një vajzë 5-vjeçare është rrëmbyer në Katania.
Sipas denoncimit të nënës në karabinierët e Mascalucia, e mitura u rrëmbye nga tre persona të armatosur dhe me kapuç, të cilët e morën me vete ndërsa nënë e bijë ishin bashkë në makinë në Piano di Tremestieri, ku vajza e vogël shkon në kopsht. Lajmi për rrëmbimin e fëmijës u konfirmua nga prokurori i Katanias, i cili hapi një hetim duke deleguar hetimet tek karabinierët.
Një foto të fëmijës së rrëmbyer po qarkullon në rrjetet sociale dhe është bërë viralepër të ndihmuar autoritetet në gjetjen e saj.
Hetuesit përjashtojnë se rrëmbimi është vepër e krimit të organizuar. Mësohet se familja nuk ka probleme ekonomike, por as nuk ka disponueshmëri të mjaftueshme për të justifikuar një rrëmbim me zhvatje.
