Pasditen e së martës, në fshatin Kotë të Vlorës është regjistruar një plagosje me mjete prerëse pas një sherri mes disa personave.
Sipas njoftimit të policisë një 22-vjeçar ka goditur me mjet prerës një tjetër shtetas 23-vjeçar i cili është dërguar në spital. Ende nuk dihet shkaku i ngjarjes së rëndë.
Autoritetet kanë nisur hetimet për të zbardhur rrethanat e ngjarjes dhe për të identifikuar personat e involvuar.
Njoftimi:
Vlorë/Informacion paraprak
Sot, në fshatin Kotë, dyshohet se gjatë një konflikti për motive të dobëta, shtetasi E. H., rreth 22 vjeç, ka plagosur me mjet prerës (thikë) shtetasin K. Sh., 23 vjeç, i cili ndodhet nën kujdesin e mjekëve.
Shërbimet e Policisë kanë shkuar menjëherë në vendngjarje dhe vijojnë krehjen e zonës për kapjen e autorit të dyshuar.
Grupi hetimor vijon punën për zbardhjen e plotë të rrethanave të ngjarjes.
