Të paktën katër persona humbën jetën kur një helikopter ambulancë u përplas në një ndërtesë spitali në Turqi.
Aksidenti ka ndodhur në qytetin e Muglas, ndërsa sipas informacioneve të para bëhet fjalë për një helikopter që është nisur nga Mugla në drejtim të Antalias. Dyshohet se përplasja ka ndodhur për shkak të mjegullës së dendur.
Dy pilotë, një mjek dhe një anëtar i stafit u vranë, sipas mediave turke.


