Të paktën katër persona kanë mbetur të plagosur rëndë pasi u goditën nga rrufeja pranë Shtëpisë së Bardhë.
Duke cituar zyrtarët e zjarrfikësve, BBC raporton se dy burra dhe dy gra ishin në Lafayette Park në Uashington DC kur u goditën nga një stuhi e fortë.
Gjithashtu thuhet se për shkak të afërsisë së parkut me selinë e presidencës amerikane, anëtarët e shërbimit sekret ishin ndër personat e parë që ndihmuan personat e lënduar.
Nga ana tjetër, identiteti i personave të plagosur ende nuk është konfirmuar. Rrufeja goditi katër personat që ndodheshin pranë një peme afër gardhit që rrethon kompleksin e Shtëpisë së Bardhë të enjten në mbrëmje.
Ndërkohë Shërbimi Kombëtar i Motit kishte lëshuar një paralajmërim për stuhi në këtë zonë mbrëmjen e së enjtes.
