Një 64-vjeçar është gjendur i vdekur ditën e sotme në banesën e tij në Korçë. Mësohet se ai jetonte bashkë me nënën e tij të moshuar e cila ishte e paralizuar.
Burime bëjnë me dije për News 24, se paraprakisht dyshohet se vdekja e 64-vjeçarit ka ardhur nga shkaqe natyrale.
Në momentin e mbërritjes së forcave zjarrfikëse, e moshuara është gjetur në lot në pamundësi për të lëvizur dhe për t’i ardhur në ndihmë të birit.
Identiteti i 64-vjeçarit nuk dihet ende ndërkohë që në vendin e ngjarjes ndodhen forca të policisë dhe ambulanca.
