Një ngjarje e rëndë ka ndodhur në plazhin e Pishë Poros, ku një pushues është mbytur në det. Mësohet se viktima është Fiqiri Rexhepi, banor i lagjes “1 Maji” në Fier.
Ai u nxor nga deti fillimisht nga pushuesit e tjerë, por nuk arriti të mbijetojë. Gjithashtu së bashku me të rrezikoi të mbytej edhe miku i tij Arben Alizoti, por ky i fundit fatmirësisht arriti të rikthehej në jetë falë ndihmës së parë të mjekëve.
“Sot rreth orës 17:00, në plazhin publik në Pishë Poro, Darëzezë, shtetasit A. A., 47 vjeç dhe F. R., 60 vjeç, të dy banues në Fier, duke u larë në det kanë rrezikuar të mbyten.
Pushuesit që ishin pranë tyre dhe më pas punonjësit e Policisë që patrullojnë në bregdet, u kanë dhënë ndihmën e parë dhe i kanë çuar me ambulancë në spitalin e Fierit.
60- vjeçari ka ndërruar jetë rrugës për në spital ndërsa 47-vjeçari ndodhet në spital nën kujdesin e mjekëve.
Po punohet për zbardhjen e plotë të rrethanave të ngjarjes”, njofton policia.
