Një fëmijë 5-vjeç ka mbetur i plagosur paraditen e sotme në Divjakë, pasi është përplasur nga një makinë.
Policia bën me dije se aksidenti ka ndodhur rreth orës 12:10, në fshatin Çermë Sektor, ku 54-vjecari me inicialet Xh.L., duke drejtuar automjetin tip “Opel”, ka përplasur 5-vjeçarin.
Fëmija është dërguar menjëherë në spitalin e Lushnjës, ku ndodhet nën kujdesin e mjekëve, pro nuk bëhet me dije gjendja e tij shëndetësore.
Është shoqëruar në Komisariat drejtuesi i mjetit, shtetasi Xh. L dhe po kryhen veprimet procedurale.
Njoftimi i policisë:
Divjakë
Informacion paraprak
Sot rreth orës 12:10, në fshatin Çermë Sektor, Divjakë, shtetasi Xh. L., 54 vjeç banues në Çermë Sektor, duke drejtuar automjetin tip “Opel”, ka aksidentuar një fëmijë 5 vjeç, i cili ndodhet në spitalin e Lushnjes nën kujdesin e mjekëve.
Eshtë shoqëruar në Komisariat drejtuesi i mjetit, shtetasi Xh. L dhe po kryhen veprimet procedurale.
Grupi hetimor po punon për zbardhjen e plotë të ngjarjes.