Një ngjarje e rëndë është regjistruar në Shtetet e Bashkuara të Amerikës, ku një 13-vjeçar është vrarë nga një polic.
Ngjarja ka ndodhur në Chicago, ku efektivi ka gjuajtur me armë në drejtim të 13-vjeçarit, i cili akuzohej për vjedhjen e një makine. Policia amerikane ishte në ndjekje të makinës, ndërsa i mituri bënte manovra të ndryshme derisa arriti në një pikë karburanti.
“Disa oficerë policie e ndoqën atë deri tek pompa e derivateve, ku njëri nga ta e nxori armën dhe e qëlloi atë”, tha në një konferencë për media David Broën, kryeinspektori i policisë së Çikagos.
“Djaloshi u kthye në drejtim të oficerëve, dhe në këtë moment, një nga efektivët nxorri pistoletën dhe qëlloi në drejtim të të miturit, edhe pse ky i fundit ishte i paarmatosur. Nga ana tjetër, disa dëshmitarë që ishin në vendngjarje folën për televizionin ABC7 duke thënë se djaloshi kishte vendosur duart mbi kokë në momentin kur u qëllua.
