Një makinë ka përplasur një fëmijë 10-vjeçar në fshatin Panaja të Vlorës sot.
Pasi e ka përplasur me makinë, shoferi i mjetit është larguar nga vendi duke lënë fëmijën në rrugë.
Si pasojë e aksidenti është lënduar fëmija, i cili ndodhet në spitalin e Vlorës, nën kujdesin e mjekëve.
Grupi hetimor ndodhet në vendngjarje dhe po punon për identifikimin e autorit dhe zbardhjen e rrethanave të aksidentit.
Njoftimi i policisë
Më datë 12.06.2022, rreth orës 20:00, në fshatin Panaja, Vlorë, automjeti tip “Fiat”, ka aksidentuar një shtetas të mitur rreth 10 vjeç dhe është larguar.
Si pasojë ka mbetur i dëmtuar shtetasi i mitur, i cili ndodhet në spitalin e Vlorës, nën kujdesin e mjekëve.
Grupi hetimor ndodhet në vendngjarje dhe po punon për identifikimin e autorit dhe zbardhjen e rrethanave të aksidentit.
