Një ngjarje e rëndë ka ndodhur në Greqi, ku një 12-vjeçar është dhunuar nga babai i shokut të klasës.
Mediat greke kanë publikuar një video ku shihet 12-vjeçari i shtrirë të tokë, ndërsa babi i bashkëmoshatarit e ka kapur nga flokët dhe e ka përplasur në tokë.
Bëhet me dije se arsyeja e kësaj përplasje është bërë pasi dy fëmijët kishin konfliktuar më parë me njëri-tjetrin.
12-vjeçari tha se babi i shokut e kishte kapur nga floket dhe e kshte shtrirë në tokë ndërsa e shante për prejardhjen e tij.
“Erdhi më shtyri, ndërsa djali i tij u largua. Më kapi nga flokët dhe më përplasi kokën në tokë. Më shau për prejardhjen. Edhe një herë më parë babai tij më kishe bërtitur se isha zënë me djalin e tij, ndërsa këtë herë më kapi nga flokët,” është shprehur 12-vjeçari.
Ndërsa babi i 12-vjeçarit shqiptar është shprehur se ky ishte një sulm rracist.
“I thonë të tjerëve që mos i bëni shoqëri shqiptarit. E shajnë se është shqiptar. Jam shumë i shqetësuar, gjithë jeta ime janë fëmijët e mi”, është shprehur babai i 12-vjeçarit.
Sakaq, familja shqiptare e ka denoncuar rastin dhe presin që drejtësia të vendosë.
