Një banesë është përfshirë nga flakët pasditen e sotme në Vlorë. Sipas burimeve zyrtare, ngjarja ka ndodhur rreth orës 18:30, në lagjen “24 Maji”, Vlorë, ku është përfshirë nga flakët banesa e shtetasit L. T, në katin e 4-ët të një pallati.
Fatmirësisht nuk ka persona të lënduar, por janë shkaktuar vetëm dëme materiale, teksa zjarri ka shkaktuar panik tek banorët e pallatit që kanë dalë nga banesat.
Në vendngjarje kanë shkuar menjëherë shërbimet e Policisë dhe shërbimi zjarrfikës.
Grupi hetimor po punon për zbardhjen e rrethanave të ngjarjes dhe shkakut të rënies së zjarrit.
