Tragjedi në familjen mirditore! COVID-19 ka goditur ashpër brenda disa ditësh duke shuar jetët e një familje në Rubik. Fatkeqësisht ka humbur betejën me këtë virus Hamit, Dushe dhe Alban Cara, djali i tyre i vetëm.
Fqinjët e përshkruajnë këtë familje shumë të rregullt, të respektueshme me 2 prindër që kanë sakrifikuar shumë për rritjen e fëmijës. Kjo tragjedi është një kambanë alarmi, ku sipas ekspertëve në ndryshim nga fillimi i pandemisë, ku vatrat e infektimit ishin në komunitet, tani më ato janë vatra familjare.
Muaji shkurt ka regjistruar numrin më të lartë të të prekurve dhe viktimave. Vetëm gjatë ditës së djeshme, 21 persona humbën jetën, e ndërsa rezultuan pozitiv me COVID 780 raste të reja.
