Aksidenti i rëndë që ndodhi mesditën e sotme në fshatin Zhur të Prizrenit ka lënë tre persona të vdekur. Bëhet fjalë për tri viktima -meshkuj, të cilët kanë lidhje familjare, konkretisht: babai, djali dhe nipi që janë gjithashtu nga fshati Zhur. Dyshohet se aksidentin e ka shkaktuar vetura e viktimave
Kryeprokurori i Prokurorisë Themelore të Prizrenit, Admir Shala ka dhënë detaje lidhur me aksidentin. Ai tha se në këtë aksident jetën e kanë humbur tre persona, ka ndodhur mes veturës së viktimave dhe një kamioni për pastrimin e borës. Në vendin e ngjarjes ka dalur policia dhe mjekësia ligjore, tha ai.
“Prokurori kujdestar ka dalë në vendin e ngjarjkes, është konstatu që janë tre viktima. Kamioni për pastrimin e borës dhe automjeti i viktimave janë ndeshur, prokurori e ka marrë edhe një ekspert të komunikacion për t’i hetuar rrethanat se si ka ndodhur aksidenti. Po e presin edhe mjekësinë ligjore”, tha Shala të shtunën për Gazetën Express.
Ndërkohë, Express merret vesh se jetën e humbën tre meshkuj, konkretisht babai, djali dhe nipi.
“Dyshohet se aksidentin e kanë shkaktuar viktimat, ska asnjë të arrestuar”, tha ky burim.
Ndryshe, aksidentin e ka konfirmuar edhe zëdhënësi i Policisë Rajonale të Prizrenit, Vesel Gashi, ka thënë se për shkak të një aksidenti mes një kamioni që po pastronte rrugën dhe një veture kanë humbur jetën tre persona.
“Po e konfirmoj se gjatë një aksidenti mes një kamioni dhe një automjeti kanë humbur jetën tre persona. Hetuesit po kryejnë hetime.”, ka thënë Gashi për Express.
Gashi thotë se ekipi mjekësor ka konstatuar se tre personat kanë vdekur në vendin e ngjarjes.
Ndryshe, për shkak të vështirësimit të qarkullimit në rrugë Policia e Kosovës kërkon nga të gjithë pjesëmarrësit në trafik, e në veçanti nga drejtuesit e automjeteve, që drejtimin e automjetit ta përshtatin me kushtet në rrugë, të respektojnë shenjat e trafikut rrugor si dhe të jenë shumë vigjilent.
Kujdesi maksimal i pjesëmarrësve në trafik është i domosdoshëm për të shmangur aksidentet dhe në këtë mënyrë të krijohet një siguri më e madhe në trafikun rrugor, thuhet në apelin e policisë.
Policia e Kosovës thotë se do të ndërmarrë masa ndëshkuese ndaj të gjithë shkelësve të ligjit të trafikut, me të vetmin qëllim për ngritjen e nivelit të sigurisë në trafik, parandalimin e aksidenteve rrugore në përgjithësi.
NDODH MË E KEQJA NGA AKSIDENTI: TRE TË VDEKUR, KONFIRMOJNË POLICIA DHE URGJENCA E PRIZRENIT
NDODH MË E KEQJA NGA AKSIDENTI: TRE TË VDEKUR, KONFIRMOJNË POLICIA DHE URGJENCA E PRIZRENITRreth orës 11:45 minuta të ditës së shtunë, ka ndodhur një aksident i rëndë trafiku në mes të një kamioni dhe një veturë të llojit ” Golf” në rrugën Prizren- Zhur, në dalje të tunelit të Autostradës, dhe se kanë humbur jetën tre persona të cilët ndodheshin në veturë. Vdekjen e tyre e ka konfirmuar zyrtari për informim i Drejtorisë Rajonale të Policisë në Prizren, Vesel Gashi, i cili mes lotësh nga ky aksident tragjik thotë se vdekjen e viktimave e kanë konstatuar mjekët e repartit të Urgjencës në Prizren, duke mos dhënë hollësi të tjera rreth këtij rasti me fatalitet.Ne kemi kontaktuar edhe drejtorin e Shëndetësisë në Prizren, Visar Shehu, të cilit ekipi mjekësor i Urgjencës i cili ndodhej në vendngjarje, ia ka konfirmuar gjithashtu konstatimin e tyre për vdekjen e personave që ndodheshin në veturë. Dyshohet, se viktimat janë tre të rinj nga fshati Zhur.
Gepostet von Televizioni Prizrenit am Samstag, 23. Februar 2019