Në 25 mars, në profilin zyrtar të aktorit Alain Delon u publikua një mesazh, që u fshi brenda pak minutash, por fansat e lexuan si një mesazh lamtumire.
“Falenderoj të gjithë ata që me kanë mbeshtetur nder vite. Shpresoj qe ne te ardhmen, aktoret te me shohin si nje shembull mes fitoreve dhe humbjeve”, shkroi aktori 86 vjecar rreth 2 jave me pare.
Misterin e këtij mesazhi e zbuloi djali i aktorit Anthony Delon në një intervistë për radion franceze RTL. Ai konfirmoi se 86 vjeçari Alain Delon ka vendosur t’i nënshtrohet eutanazise dhe ka plotesuar te gjithe dokumentacionin e nevojshem per vetevrasje te asistuar. Kur te vije momenti, do te jete vajza e aktorit Anushka ajo qe do te ekzekutoje proceduren e eutanazise. “Babai ka vendosur te vdese ashtu sic ka jetuar” u shpreh djali i tij.
Ikona e kinematografisë botërore Alain Delon jeton në Zvicër, ku vetëvrasja e asistuar është një praktikë e njohur ligjërisht. Në vitin 2019, aktori pësoi një iktus dhe prej asaj kohe ka shprehur vullnetin për t’ju nënshtruar eutanazisë. Ky vendim i tij duket se u perforcua në janar te vitit 2021, kur ish-bashkeshortja e tij Nathalie Delon nderroi jete si pasoje e kancerit ne pankras.
Jeta e aktorit Alain Delon eshte rrefyer me detaje ne autobiografine e shkruar nga djali i tij Anthony, me titull “Between the Dog and the Wolf”. “familja perfekte nuk ekziston, ne na quanin delon, dhe kjo ishte qershia mbi torte. Ky liber eshte nje thirrje dashurie dhe nje dhurate per babain tim’ deklaroi djali i aktorit.
