Një moment qesharak ndodhi dje gjatë emisionit Sky Calcio Club që transmetohet në Sky Italia: Fabio Caressa dhe Alessia Tarquinio i propozuan Gennaro Gattusos, që të zhvillonin një lojë, ku synimi ishte që të gjindej një e dashur për Patrick Cutronen. Gazetarët i treguan kandidaten e parë: Michela Lantignottin e cila është një volejbolliste e talentuar,por Gattuso u përgjigj në mënyrën që e karakterizon, shumë të drejtpërdrejtë dhe të sinqertë: “Jo këtë jo, të lutem se ka shumë muskuj, dhe rrezik ma thyen Cutronen”. Deklaratë që shkaktoi shumë të qeshura duke treguar dhe një herë që Ringhio nuk zhgënjen kurrë.
Kandidatja e dytë ishte Melissa Greta Marchetto, një showgirl që e adhuron kuzhinën kalabreze.
Ndërsa e treta ishte aktorja Matilde De Angelis, e njohur nga filmi “Veloce come il vento”.
Kurse e katërta ishte Chiara Nasti, blogere, e cila kishte mbështetjen e gjithë studios.
