Tatuazhet janë një vendim shumë i vështirë për t’u marrë saqë shpesh herë shkaktohen komente në lidhje me to. Sigurisht që duam të ndihemi më mirë me atë çfarë ai tatuazh do të thotë per ne.
Qukat kanë qenë një nga trendet më të pëlqyera të këtij viti saqë shumë femra kanë përdorur make-up posaçërisht për të krijuar quka, por trendi i ri është me të vërtetë i pabesueshëm, por i vërtetë. Është pikërisht ajo që keni pritur deri tani… Bëhet fjalë për “Astro Frecks”, një krijim i artistes së kozmetikës dhe tatuazhe Jessica Knapik, e cila formon qukat te femrat, por sipas shenjës së horoskopit, dmth yjësinë e secilës shenjë.
Me një punë perfekte, ajo bën të duken si reale. Qukat aplikohen duke përdorur një teknikë të tatuazheve kozmetike, e cila është e ndryshme nga ajo e tatuazheve normale. Pra është një përzierje e pigmenteve të ndryshme dhe teknikave të tatuazheve që janë më pak të ashpra në lëkurë.
