Ndërkohë që jemi në kulmin e sezonit veror, e premtja e sotme duket se ka nisur me tragjedi. Janë shënuar plot tre viktima që edhe pse në mosha të ndryshme kanë sjellë humbje të mëdha në familjet e tyre.
Nga djali 14 vjeçar që po luante me shokët në lumë, tek gruaja në Velipojë dhe ulërimat e pushuesëve, ja çfarë ndodhi sot.
Po luante me shokët në lumë, mbytet 14 vjeçari
Një ngjarje e rëndë ka ndodhur dje në vendin e quajtur “Ura e Zogut” pasi një i ri 14-vjeçar është mbytur teksa lahej në lumin Mat.
14-vjeçari kishte shkuar së bashku me shokët e tij në vendin e quajtur “Ura E Zogut”, por nuk ka arritur të dalë i gjallë prej andej.
Trupi i pajetë i djaloshit është nxjerrë nga lumi pas kërkimeve të familjarëve dhe policisë.
Velipojë, mbytet gruaja në Velipojë
Një grua rreth 70 vjeçe ka vdekur në Velipojë.
Ngjarja ka ndodhur paraditen e sotme.
Menjëherë në vendin e ngjarjes kanë mbërritur rojet bregdetare të një biznesi në afërsi.
Por ambulanca ka vonuar më shumë se 30 minuta dhe kjo ka bërë që gruaja të ishte pa puls në momentin që mbërritën bluzat e bardha! Fatkeqësisht e moshuara ka ndërruar jete. Sipas të dhënave pushuesit kanë njoftuar urgjencën e Shkodrës dhe jo qendrën Shëndetësore në Velipojë, çka ka sjellë dhe vonesën e ambulancës. Nuk ka ende një informacion zyrtar nga policia e Shkodrës.
Përmet, hidhet nga ura mbytet 57 vjeçari
Një 57-vjeçar është hedhur nga ura në ujërat e Vjosës, por nuk ka dalë më që aty.
Sipas burimeve policore N.S pasditen e të enjtes është parë nga kalimtarët e rastit.
“Më datë 09.08.2018, rreth orës 15:57, shtetasi N.S, 57 vjeç, banues në fshatin Rapck, Përmet, dyshohet se është hedhur nga ura e fshatit Rapck në lumin Vjosë dhe nuk ka dalë më. Në vëndngjarje kanë shkuar shërbimet e policisë si dhe polumbarët të cilët kanë filluar kërkimet përgjatë lumit Vjosë. Paraprakisht dyshohet se ky shtetas ka qënë në gjendje depressive, thotë policia e Gjirokastrës.”
/AlpeNews.al