Qeveria e re e Shqipërisë ka publikuar vendimet e para që janë marrë sot në mbledhjen e Këshillit të Ministrave. Ndër to bien në sy, krijimi i Agjencisë për Media dhe Informim, hapja e doganës së Shishtavecit dhe Krushevës, punësimi i kampioneve olimpike të Kosovës në Ministrinë e Mbrojtjes.
Gjithashtu, Qeveria do të mbulojë 12 milionë lekë shpenzime spitali për Elidiana Kasën, prokurore e Prokurorisë së Pukës. Nuk dihet ende se nga çfarë vuan Kasa, për të cilën shteti ka vendosur t’i mbulojë të gjitha shpenzimet shëndetësore.
