Një 20-vjeçar është vendosur në pranga nga policia italiane pasi është kapur duke shitur kokainë dhe hashash në rrugët e Italisë.terniii
20-vjeçari kishte krijuar klientelën e tij dhe tregtonte kokainë dhe hashash në një nga lagjet më të populluara nga trafikantët e drogës në Terni.
Në këtë qytet shqiptari jetonte prej disa muajsh, ndërsa merrej edhe me tregtinë e drogës.
Ai është denoncuar nga vetë qytetarët të cilët e kishin pikasur atë si një shpërndarës i rregullt i kokainës dhe hashashit, shkruan Il Messaggero.
Në këtë mënyrë, policia e mbajti atë për disa ditë nën vëzhgim derisa e vendosi në pranga.
Atij iu gjetën 18 doza kokainë të paketuara tashmë dhe gati për t’i shitur. Policia kontrolloi edhe në banesën e tij ku gjetën më shumë se tre gramë hashash. Shqiptari është i arrestuari i radhës në një qytet ku kërkesa për drogë ka marrë përmasa shqetësuese.
