Një 26-vjeçar është arrestuar nga Policia e Durrësit pasi ishte shpallur në kërkim për vjedhje të përsëritura në një lokal ku punonte.
Bëhet me dije shtetasi A.D ka përvetësuar shuma parash nga xhirimet ditore të lokalit.
Njoftim i Policisë:
Shërbimet e Komisariatit të Policisë Durrës, në vijim të punës për kapjen e shtetasve në kërkim, bënë të mundur lokalizimin, kapjen dhe ndalimin e shtetasit A. D., 26 vjeç, banues në Durrës.
Ky shtetas ishte shpallur në kërkim pasi Gjykata e Juridiksionit të Përgjithshëm Durrës, me vendimin e datës 03.07.2025, i ka caktuar masën e sigurisë “Arrest me burg”, për veprën penale “Vjedhja”.
Nga hetimet ka rezultuar se 26-vjeçari, gjatë kohës që punonte në një lokal në pronësi të një shtetasi tjetër, ka përvetësuar në mënyrë të përsëritur shuma parash nga xhirimet ditore të lokalit.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.
